Gure Balioak Sariak

Gure Balioak Debabarrenean garapen iraunkorra sortzeko beharrezkoak diren balio sozialak indartzea helburu duten sariak dira, jasangarritasunaren eta ingurumenaren ikuspegitik ez ezik, baita ekonomiaren eta gizartearen ikuspegitik ere. Sariek indartu eta aitortu nahi dituen funtsezko balioak integritatea, errespetua, ekintzailetza eta lankidetza dira.

DEBEGESAk sustatzen eta antolatzen ditu urtero Gure Balioak sariak, 2010. urteaz geroztik. Debegesaren misioa eskualdearen garapen jasangarria bultzatzea da, giza eta materia baliabideen bidez, balio erantsia gehitzen era proaktiboan. Orain arte, Debabarrenean gizarte-balioen sustapenean nabarmendu den pertsona edo entitatea saritu eta publikoki aitortu izan du. 2024tik aurrera, aldiz, kategoria desberdinak bereiziz, hiru sari banatuko ditu: bizitza osoko ibilbidearena, proiektu sozialena (gizarte ekimena) eta gazte ekimenarena.

BIZITZA OSOKO IBILBIDEA

PROIEKTU SOZIALA
 

GAZTE EKIMENA


SORKUNTZA ARTISTIKOAK BILATZEN ARI GARA!


Sarien sorreraren zergatia eta prozedura

Pertsonen garaia da. Balioek pertsonen jarrerak zuzentzen dituzte familiarekin, bizilagunekin, lagunekin… jokatzen dutenean, baita bestelako esparrutan ere: enpresetan, hirietan, ingurune naturaletan… Alegia, balioek jokabideak determinatzen dituzte. Horregatik, giza elementuak dira lurraldeen arteko desberdintasunak definitu eta markatzen dituztenak, eta azken finean, lurraldearen lehiakortasuna determinatzen dutenak, hein handi batean.

Debabarrenean, begi-bistatik galtzen ez den helburu zehatz bat dugu: gure lurraldeko garapen jasangarria – alor guztietan: ekonomikoan, ingurumenean sozialean eta kulturalean – eta lehiakorra bultzatzea. Hori dela eta, babestea eta indartzea beharrezkoak diren balioen inguruan hausnartu da. Horretarako, ikerketa eta gogoeta prozesu bat gauzatu zen non 100 pertsona baino gehiagok parte hartu zuten. Emaitzek honako funtsezko lau balio hauek indartu behar direla diote: INTEGRITATEA, ERRESPETUA, EKINTZAILETASUNA ETA LANKIDETZA-ELKARLANA.

Irabazleak urteka

Laguntzailea: