Birgaitzea

Debabarreneko herritarrentzat zerbitzu hurbilagoa, eskuragarriagoa eta pertsonalizatuagoa eskaintzeko, Debegesak, Debabarreneko udalekin elkarlanean, Eskualdeko Etxebizitza Bulegoa jarri du martxan herritarrei etxebizitzen eta eraikinen birgaitzeari, alokairurako laguntzei eta eraginkortasun energetikoari buruzko informazioa, orientazioa eta laguntza emateko.

Deba

Astelehenetan, 12:45etik 15:30era, Udaltzaingoaren egoitza zaharrean (Portu kalea 3). Hileko azken astelehenetan ezik, zerbitzua Mutrikun eskainiko delako.

Eibar

Astelehenetik ostiralera, 8:00etatik 16:00etara, Debegesan (Azitain Industrialdea 3 BIS).

Elgoibar

Ostegunetan, 8:15etik 12:15era, Herritarren Arretarako Bulegoan (Santa Ana kalea, 2). Hileko azken ostegunetan ezik, zerbitzua Mendaron eskainiko delako.

Ermua

Astearteetan, 8:15etatik 12:15etara, Abiapuntun Komentukua Kalea, 3. Hileko azken astearteetan ezik, zerbitzua Mallabian eskainiko delako.

Mallabia

Hileko azken astearteetan, 8:15etatik 12:15etara (udaletxean).

Mendaro

Hileko azken ostegunetan, 8:15etatik 12:15etara, Herriko Enparantza 10, behea.

Mutriku

Hileko azken astelehenetan, 12:00etik 15:00era (Kondekale 18)

Soraluze

Asteazkenetan, 8:15etik 16:00etara, Kalebarren 8.

Informazio gehiago

Etxebizitzak Birgaitzeko Zerbitzua: informazioa eta laguntza tramitazioan

Debegesak, Debabarreneko Birgaitzeko Hirigintza Elkartea gisa, hiria birgaitzeko zerbitzu integrala eskaintzen du, eraikinak eta etxebizitzak birgaitzeak dakartzan abantailez herritarrak kontzientziatzeko eta bizilagunen komunitateei eta jabeei eraikinak eta etxebizitzak zaharberritzen laguntzeko. Birgaitze-lan baten prozesu osoan laguntza integrala ematen dugu, bai partikularrentzat, bai bizilagun-komunitateentzat.

Doako informazioa eskaintzen dizugu, eta Eusko Jaurlaritzaren dirulaguntzak tramitatzen laguntzen dizugu. Hala, eremu guztiak birgaitzen lagundu nahi da, errehabilitazioaren kultura sustatzeko, egoiliarren bizi kalitatea hobetzeko, bai hirigune historikoetan, bai Debabarreneko gainerako hiri- eta landa-eremuetan.

Hauek dira birgaitze partikularrentzako dirulaguntzak (etxebizitza)

Hauek dira komunitateentzako birgaitze dirulaguntzak (eraikina)

Dirulaguntza motak

ETXEBIDE (EUSKO JAURLARITZA)

Partikularren obrak (1. lerroa)
Komunitate obrak: birgaitze lanak (2. lerroa) eta birgaitze integral eta eraginkorreko lanak (3. lerroa)

Zure etxebizitza Birgaitze Integratuko Eremu (BIE) batean badago eta Eremu Narriatuan (EN), dirulaguntzak handiagoak izango dira: Debabarreneko BIEak eta ENak.

EVE (ENERGIAREN EUSKAL ERAKUNDEA)

Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa (deialdia itxita).

DEBABARRENEKO UDALAK