“Begi bistan: lankidetza, bizikidetza eta eraldatzen duten benetako esperientziak” ekitaldia egingo da maiatzaren 15ean Eibarko Coliseoan
Maiatzaren 15ean, osteguna, 10:30etik 12:30era, ospatuko da Begi Bistan ekitaldia Eibarko Coliseoan. Sarrera irekita da gerturatu nahi den ororentzat eta jardunaldi honen helburua da entitateen arteko lankidetzaren balioaz hausnartzea eta enpleguaren, inklusioaren eta kohesio sozialaren arloan eragina duten proiektuak ezagutaraztea.
Kutxa Fundazioa, Eibarko Udala, Debegesa eta Azitaingo Lanbide Heziketako Institutua dira ekimena bultzatzen duten erakundeak. Jardunaldiak hainbat eremutako profesionalak, ikasleak eta herritarrak bilduko ditu esperientziak partekatzeko eta lankidetza-sareak sendotzeko.
Programa: ekintzan eta bizipen partekatuan oinarrituta
Jardunaldiari hasiera emateko, Jon Iraola Eibarko alkateak eta Amalia Virto Kutxa Fundazioaren ordezkariak ongietorria eman eta topaketari hasiera ofiziala emango diote.
Ondoren, askotariko ahotsak bilduko dituzten bi mahai-inguru antolatuko dira, puntu komun batekin: elkarlanaren aldeko apustua, aldaketa sozialaren motor gisa.
I. mahai-ingurua – “Inklusiorako tresnak: sarean lan egiten”
Parte-hartzaileak:
- Marta Senz (Zabaltzen Sartu)
- Javi Jiménez (Kalexka)
- Asmae Ourdi (Debegesa)
Mahai inguru honetan, gizarte-eragileen arteko lankidetzak gizarteratze- eta laneratze-proiektuak nola bultzatzen dituen aztertuko da, diziplina arteko ikuspegi berritzaileetatik.
Azitaingo ikasleen film laburren proiekzioa
Ekitaldiaren une nagusietako bat Azitain Lanbide Heziketako Eskolako ikasleek Bright Martins ikus-entzunezko adituarekin elkarlanean sortutako film laburren proiekzioarekin iritsiko da. Lehen aldiz kamera eskuan, Azitaingo Oinarrizko Lanbide Heziketako Institutuko ikasleak ikus-entzunezkoen munduan sartu dira. Proiektu honen helburua bazterketa eta sentsibilizazioa lantzea izan da film laburren ekoizpenaren bidez, eguneroko errealitate sozialak islatuz. Pieza horiek, besteak beste, gazteen bazterketa, aniztasuna eta ahalduntzea lantzen dituzte.
II. mahai-ingurua – “Funtzionatzen duten proiektuak: esperientzia partekatuak sarea ehuntzen jarraitzeko”
Parte-hartzaileak:
- Amaia Valdivielso (Armeria Eskola Elkartea)
- Ainara Labado (…eta kitto! Euskara Elkartea)
- Patxi González (Katealegaia)
Hiru ikuspegi desberdin —hezkuntza, komunikazioa eta oa, komunikaziokoa eta soziolaborala—, proiektu jakin batzuen bidez gizarte bidezkoago eta kohesionatuago baterantz nola egin daitekeen erakusten duten adibide errealak erakutsiko dituztenak. Aldea markatzen ari diren kasu errealak.
Ekitaldi honek loturak indartzeko, ideia berriak inspiratzeko eta, batez ere, sare sozial inklusiboago bat eraikitzeko lanean jarraitzeko topaketa izan nahi du.