TicketBAI, zer da? Nori eragiten dio?
Jarduera ekonomiko bat egiten duten pertsona fisiko eta juridiko guztiek TicketBAI nahitaez ezarri beharko dutenez, Gipuzkoako garapen agentziek bi jardunaldi informatibo antolatzea erabaki dute, kaltetutako enpresek eta software garatzaileek sistema berri honen berri izan dezaten.
Jardunaldiak Foru Aldundiko Ogasun Departamentuaren laguntzarekin garatuko dira, eta TicketBAI-ren inguruko informazioa eta prestakuntza ematea dute helburu, hau, urtarrilaren 1ean Gipuzkoako 54.000 zergadunentzat nahitaez indarrean jarriko den fakturen kontrol digitalerako sistema delarik.
Martxoaren 23ko jardunaldia, TicketBai erabiltzera behartuta dauden pertsona fisiko edo juridiko guztiei zuzendua
14:00etatik 15:00etara ospatuko den online plataforma bidezko saio baten bidez, Javier Irastorzak, Zerga Arloko Eraldaketa Teknologikoko Zerbitzuko buruak, eta Mª del Coro Pereirok, Gipuzkoako Foru Osasuneko Estrategia Teknologikoko zuzendariorde nagusiak, TicketBai zer den, nola funtzionatzen duen eta software honen ezarpenak nori eragiten dion azalduko diete parte hartzaileei.
Interesa duten pertsona eta enpresek formulario honen bidez eman dezakete izena.
Martxoaren 26ko jardunaldia, programatzaileei eta garatzaileei zuzendua
Kasu honetan goizeko 10:00etatik 11:00etara ospatuko den online saioan, Javier Irastorzak, Zerga Arloko Eraldaketa Teknologikoko Zerbitzuko buruak, eta Mª del Coro Pereirok, Gipuzkoako Foru Osasuneko Estrategia Teknologikoko zuzendariorde nagusiak, TicketBAI softwarearen zehaztapen tekniko eta funtzionalak aurreratuko dizkiete parte hartuko duten programatzaileei eta garatzaileei.
Interesa duten pertsona eta enpresek formulario honen bidez eman dezakete izena.
TicketBAI nahitaez ezarri beharrekoa hasiko da izaten 2022tik aurrera
TicketBAI, 2022ko urtarrilaren 1etik aurrera jarduera ekonomikoa egiten duten pertsona fisiko naiz juridiko guztiek modu mailakatuan eta progresiboan erabili beharko dute.
Edozein zalantza edo kontsulta egiteko ekintzaile@debegesa.eus helbide elektronikora idatzi edo 943 82 01 10 deitu eta Ane Iturzaetagatik galdetu.