Edukira salto egin | Salto egin nabigazioara

Tresna pertsonalak

Debabarreneko Garapen Ekonomikorako Elkartea
Nabigazioa
Hemen zaude: Hasiera Albisteak Negozio ideia lantzeko edo enpresa-proiektua martxan jartzen laguntzeko Lanbideren diru-laguntzak eskatzeko epea ostiralean amaituko da

Negozio ideia lantzeko edo enpresa-proiektua martxan jartzen laguntzeko Lanbideren diru-laguntzak eskatzeko epea ostiralean amaituko da

2019/02/27
  • Ekintzailetza
  • Lanbide
  • Laguntzak
Debegesa Garapen Agentziak kudeatuko ditu Debabarrenean ekintzaileei zuzendutako diru-laguntzak; eskabideak aurkezteko epea ostiralean amaituko da, martxoaren 1.

Lanbide Euskal Enplegu Zerbitzuak ekintzaileei laguntzeko diru-laguntza deialdia abian jarri du. Debabarrenean negozio ideia bat landu edo enpresa-proiektu berria martxan jarri nahi duten herritarrek Debegesa garapen agentziaren bitartez egin dezakete eskaera. Eskabideak aurkezteko epea ostiralean amaituko da, martxoak 1.

Diru-laguntza hauek bideratzeaz gainera, Debegesak aholkularitza eta beharrezko duten laguntza eskainiko die ekintzaileei. Onartutako 23 diru-laguntza hauetatik 15 negozio ideia bat landu eta garatu nahi duten ekintzaileentzat izango dira, eta beste 8 diru-laguntza banatuko ditu Debegesak ekintzaileek enpresa-proiektu berriak abian jar ditzaten.

Diru-laguntzen zenbatekoari dagokionean, negozio ideia lantzeko laguntza, gehienez ere, 1.000 eurokoa izango da sustatzaile bakoitzeko. Enpresa-proiektu berriak martxan jartzeko, berriz, gehienez ere 1.500 euroko laguntza emango zaio sustatzaile bakoitzari. Zenbateko hauek % 15 handituko dira baldin eta sustatzailea 18 urtetik gorakoa eta 30 urtetik beherakoa bada (eskaera aurkezten duen unean), eta beste % 15 emakumezkoa bada.

Laguntza eskatzeko interesa duten herritarrek dokumentazioa Debegesaren bulegoetan aurkeztu behar dute. Informazio gehiago eta bete beharreko eskabide-orria eskuragarri dago Debegesaren webgunean.

Halaber, argibide gehiago 943 82 01 10 telefonora deituz edota ekintzaile@debegesa.eus epostara idatziz eskuratu ahal izango dute interesa duten guztiek.

Negozio ideia lantzeko edo enpresa-proiektua martxan jartzen laguntzeko Lanbideren diru-laguntzak eskatzeko epea ostiralean amaituko da