Edukira salto egin | Salto egin nabigazioara

Tresna pertsonalak

Debabarreneko Garapen Ekonomikorako Elkartea
Nabigazioa
Hemen zaude: Hasiera Albisteak Jose Miguel Ayerza ADEGIko Idazkari Nagusia Debegesan

Jose Miguel Ayerza ADEGIko Idazkari Nagusia Debegesan

2011/05/27
Datorren ekainaren 3an, ‘Ostiralak Debegesan’ ekimenaren baitan, enpresen arteko lankidetza ardatz izango duen jardunaldian hartuko du parte ADEGIko Idazkari Nagusiak.

Debegesak, Debabarreneko Garapen Ekonomikorako Elkarteak, lankidetzari buruzko jardunaldia antolatu du datorren ostiralerako, ekainak 3, “Enpresen arteko lankidetza: Debabarrenarentzat beharrezko estrategia” izenburupean.

 

Jardunaldiak lehiakortasuna hobetzeko enpresen arteko lankidetzak dituen abantailak ezagutzea eta lankidetzan diharduten enpresa industrialen esperientzia praktikoak ezagutzera ematea du helburu, eta eskualdeko enpresa zein interesa duten pertsona guztiei zuzenduta dago.

 

DEBEGESAko Zuzendari Nagusi  Juan Angel Balbas eta DEBEGESAko Giza Kapitalaren Garapen Saileko Arduradun Elena Alonsok emango diote hasiera jardunaldiari, eta euren aurkezpenean “Gure Balioak!” proiektuaren berri emango dute. Eskualde jasangarri bat lortzeko bidean beharrezko diren balio sozialak bultzatu asmoz Debegesak abian jarri duen proiektu berritzailea da “Gure Balioak!”.

 

Ondoren, ADEGIko Idazkari Nagusi José Miguel Ayerza enpresen arteko lankidetzaz arituko da.

 

Jarraian, hiru adibide praktiko ezagutzeko aukera egongo da, hiru hizlariren eskutik: Ion Ander Buenetxea, Deba Energy-ko presidente eta Grupo Alfa-ko Zuzendari Nagusia, Alex Loustaunau, Txorierriko Behargintza-ko Gerentea -Txorierriko Garapen Agentzia- eta Ikusi-ko Kontseilari Ordezkari Joseba Jaio.

 

Jardunaldia Debegesaren egoitzan burutuko da, Eibarko Azitain Industrialdean, goizeko 09:00etatik 11:00etara. Parte hartzea doakoa da.

 

Parte hartzeko interesa dutenek Debegesarekin harremanetan jar daitezke izena emateko 943 82 01 10 telefonora deituz edota pymes@debegesa.com helbidera idatziz.